Дзень роднай мовы.
ДЗЕНЬ РОДНАЙ МОВЫ
21 лютага ў свеце адзначаецца Міжнародны дзень роднай мовы. Сёння ў нашым рознагалосым свеце налічваецца больш за шэсць тысяч моў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.
Гэта свята – нагода для носьбітаў любой мовы яшчэ раз задумацца аб лёсе той, адзінай, якую мы завём матчынай, на якой думаем, на якой вымавілі першае слова і на якой размаўлялі нашы продкі.
Беларуская мова прайшла доўгі гістарычны шлях, на якім былі як часы росквіту, так і часы заняпаду. Нашы бацькі, дзяды і прадзеды нямала зрабілі, каб беларуская мова была прызнаная як роўная сярод іншых моў свету.
“Не саромся, беларус, гаманіць па-свойму – на роднай мове бацькой і дзядоў сваіх. Шануй сваю мову , шануй свае песні, свае казкі. звычаі і ўсё роднае – гэта спадчына дзядлў і вялікі ацыянальны скарб”, – сказаў некалі Змітрок Бядуля.
З 19 па 24 лютага ва ўстанове адукацыі праходзіць насычаны разнастайнымі мерапрыемствамі “Тыдзень беларускай мовы і літаратуры”. 21 лютага ў школе прайшоў Дзень роднай мовы. Вучні з радасцю і натхненнем прымалі ўдзел у адкрытых уроках, пазакласных мерапрыемствах, прысвечаных святу.
